"دكـ ببك الإرهاب "
دكَـ ببك ألإرهاب أعوام وأعـوام
ونخـر جسمك بمبدأ طائفية
وصابر كل مواطن عرضــة للموت
لذا هو انفجــار السبب جنسيــــه
ناس تقول شيعـة التربح النــاس
وناس تقول هاب الشعلة سنيــة
لذا سني تموت بـدون إي حســـاب
وأذا تُذبح سببهـا المـــــله شيعية
بعد ميفرق أبـــداً من يفجر صــار
بين أعــداء هوة ونــاس عاديــه
لذلك من يفجر انتــه دوم تشـوف
طايــــح عل طفل جزدان حجيـه
وجزع حتى الملك من كثـرة الاموات
وصــاح بصوت لحظة واصبروا عليه
هسه انـا بطفل مذبــوح بالتفخيخ
وقبــل شوية شلت بنيــة عذريه
تحلـم بالـــزواج وبيت وأطفـال
ومحبـــــوب اليجيها بليله كمريه
موتوهـا الجماعـــه وكَصوا الراس
كالــوا شون تطلع هاي أباحيـــة
نفذ بينـا الصبر وخلصت دموع العين
من كثر اليصير هنــــــانه يوميه
بعد منريد جيش وشرطة وجنـــود
ولانحتــاج عمــلة وخطة امنيــه
بس نحتـاج احنـــا نصفي الكَلوب
ومحتاجين صدة ولفتـــــه ألاهيه
الثلاثاء أكتوبر 30, 2007 3:38 pm
