هو وهي 2

موضوع: هو وهي 2 الثلاثاء فبراير 19, 2008 6:56 am

سهرت الليل
هي / سهرت الليل ..
وي دمعات العيون ..
افكر بيك ..
اگول يمرني يا يوم ..
الملم بالسوالف ..
كلها واشتاگ ..
مثل شوگ الطفل ..
بهواك مفطوم ..
تعال وخل اشوفك ..
گلبي محتام ..
امتلى .. ما بي مجال ابكثر الهموم ..
خلصني القهر ..
ما احمل افراگ ..
السهر دمرني ..
عيني محاربه النوم .. هو / وآنه وداعتچ ..
ليل اليمر بيچ ..
ما غمضت عيني ..
ابلحظه وتنام ..
وحدچ بيچ افكر ..
والگلب نار ..

وعلى شوفة اعيونچ ..
گلبي محتام ..

هي / بس مر بيه باچر ..
فرح الروح ..
ونشف العين باچر ..
من تجيني ..
تعبني الصبر والصبر چمدوب ..
اطش اعيوني إلك ..
لو تعتنيني ..
امس غمضت عيني ..
وشفتك ابطيف ..
بقيت امغمضه ما فتحت عيني ..
علمني نسيانك ..
بلكت ارتاح ..
ولو ..
مو هين البينك وبيني ..

هو / لو بيه آنه اعلمچ ..
علمت روحي ..
ولو عندي دوه ..
چا طابن اجروحي ..
آنه الليل كله ..
اتگالب ويه الروح ..
واخلصها ابونيني ..
ودمعتي .. ونوحي ..
يا اجمل حبيبه اتسهر اعيوني ..
ويااجمل حلم ومرافگ اظنوني ..
اشگد حاولوا ناس ورادوا انساچ
..
ومن گد ما احبچ تالي عافوني ..

هي / وآنه اشگد احبك ..
اكثر من الروح ..
وشلي ابدنياي غيرك ..
يا بعد روحي ..
حبيبي انت ..
واحبك ..
واصبر اعله النار ..
ومرخوص انت وحدك ..
تلچم اجروحي ..
احبك ............ [right][size=25]هو / وآنه احبچ .. يا اعز الناس ..
يا سلوه الروح .. البيها اتسله ..
اصبرلچ صبر .. حد ما أحس وفيت ..
واعوضچ خير عن ذاك التعب كله ..

[/right]
[/size]

موضوع: رد: هو وهي 2 الثلاثاء فبراير 19, 2008 8:37 am

شكرا على الموضوع الجميل روعة

موضوع: رد: هو وهي 2 الثلاثاء فبراير 19, 2008 10:54 pm

شكرا اخي كلمات رووووووووعة ننتظر ابداعاتك القادمة