السلام عليكم:
هاي انا حنان عمري 22 سنه وحيدة امي وابوي بعد سنين علاج فرحة اول واخر بنت يعني بالنسبه لهم كل شي بالدنيا واكيد كل ام وابو ودهم يفرحون فبنتهم عندها اعلى الشهادات وفرحتهم فيها عروس وكل شي الاهل يتمنونه بس انا غير كنت فريسة زوج خالتي وعمري من عمر7سنوات كان يعاشرني معاشره مايعلم فيها الا الله اكثر من معاشرة زوج لزوجته كان يستغل ابسط طرق الي الياهل تنجذب لها وفرصه امي وابوي كبار بالعمر دايما كنت مع بنات خالتي يعني بناته استمر الى عمر13سنه على نفس الحال صرت اخاف من كل ريال يضحك معاي كنت افكر انه يبي مني شي كنت اخاف حتى من ابوي صرت اقعد بالبيت بالاشهر غير المدرسه ما اطلع كنت اتهرب من ابوي لما يقعد يكلمني وده يعرف الي فيني كانت تخنقه عبره ولا ادري شلون اجاوبه.. صارت حالتهم حيل تعبانه ماكانو عارفين شنو الي قلب كيان بنتهم لادراسه ولا طلعه من البيت ولاتكلم احد استمر حالي جذي سنتين لين دشيت الثنويه من وقتها عرفت شنو الي كان يصير معاي وحاولت اعدل من حالي وما احسس امي وابوي بشي صرت اطلع واضحك كل الي ابيه رضاهم علي وما اكون سبب تعبهم صرت احط كل الي يصير بقلبي ولا احد يعرفه استمر يعاشرني بنفس الطريقه كان يهددني اذا ماكنت اسوي الي يبيه بامي وابوي وكنت اسكت مو خوف منه او استمتاع لا والله وربي شاهد خوف عليهم لي قبل سنه شفت بنت خالي عمرها 11سنه قاعده بروحها تبجي حاولت اعرف الي فيها بس سألتها شفيج انفجرت بجي تذكرت نفسي بعمرها ماكان عندي احد يقولي شفيج صدمتني باختصاار ان نفس الي صاار معااي والي يسويه معااي زوج خالتي سواه معاها اكثر من 10 مرات ماقدرت اسكت ولا قدرت اتكلم حذرتها منه وحاولت افاتح خالي بطريقه مو مباشره فهمني ولما سألها قالت كل الي كان يصير كنت اطالعها وابجي خالي يسألني انتي فيج شي اقوله لا رد سألني مره ثانيه جاسج من قبل قلت لا قالي عيل ليش منهاره جذي ليش تبجين بهالطريقه رديت عليه مافيني شي بس اثر فيني اسلوبها... يومها دقيت عليه وقلت له ابيك بموضوع وياني طبعا ما يصدق انا الي اطلبه سألته ليش صار جذي ماكفاك الي سويته فيني تره انت عندك بنات ومو انا الي اجازيك ربي يجازيك كان رده جذابه ماحصل ياهل يصدقونها قلت له اذا بتجذب على الناس كلها يمكن تصدقك بس انا لأ ضحك وشنو رد علي بكل بساطه ((حنان اناالي سويته قبل كان الشيطان شاطر بس الحين انا احبج وابيج معاي على طول))..قلت له الياهل كبرت صارت تفهم وتعرف الي قاعد يصير ماراح يأثر فيني شي ولا يهمني شي الي بصير خل يصير ولا تفكر توصل لأنك ماتقدر الا على يهال وحنان الحين مو ياهل(استغربت من طريقته قام يترجاني ويمثل انه يبجي يمكن اول مره يحس اني جاده بكلامي معاه واني مو خايفه ولا كان هامني شي) وقبل ما امشي سمعته كل الي دار بيني وبينه لأني كنت اسجل من اول ما وصل كل الكلام .. من وقتها ماشفته ولا ادري وينه بس يحاول يوصلي مثلا يدق او اشوفه عند البيت وانا طالعه بس ما يقدر يوصلي ...
ولي اليوم محد يدري بلي فيني وليش اذا احد تقدم لي ارفض من غير سبب مقنع وما اقدر اقول حق امي يصير فيها شي ولا اي احد من الي حولي .. مستعده اضل عمري كله جذي ولا يصير بامي وابوي شي والسبب انا حتى التسجيل الي عندي ما اقدر استفيد منه لأنه امي وابوي جدامي واايد كبار بالعمر واذا درو بشي الله اعلم شنو يمكن يصير ابي حل بلييز ؟
قصة منقولة
ziad_al3raqi@yahoo.com
الخميس أكتوبر 18, 2007 12:05 pm
