شمس لوني
اجمل ما في الكون كلمة عـــراق
للشاعر الشعبي العراقي المبدع- عريان السيد خلف
عِــشكـَـْــتك
حلم
بالوحشة البعيده
اتسامر اجفوني
وعِــشكـَـتكَ
من ونيــن
النايحـه الحره
التلم مجرى
الدمـع
من عينها اعيوني
وعرفتك تستحي من
العايزه الجبحه
وتـِفل فل
الظفاير سفة اضنوني
وتوسمتك .. نِكـش
بجفوف بدويه
وذهب ليره ..
وشهامه .. اتوج شمس لوني
وتِـعودتك
حليب الوالده
الطيبه
وصبرها .. وشيبها
اليتعب على
امتونــي
ونذرتك وجه
للنجمه الجديده
ونايل وغايه
سمارك عزّتي ..
وعشاگـَك اهوايه
عشير الكل عزيز
ايصونك ابروحه
وبري من كل وجه
لو ما حفظ مايه
اشـمّك بالجفوف
الطاهره الخشنه
واشوفك بالوفي
الكِصٌته امندّايه
وأبورح
لو هبوبك يلتكَـي
اّبارح
واخضّر بالعطش من
هيبتك دايه
انه ابغيرك كـَمر
ما شافته اولايه
انه ابغيرك قلب
نِـــيٌته امغـَطـّـايه
ويظل طرواك
نسمة بر.. لايرخص
شرفهه
ولاهي تتعـثــّر
يمن طرواك ..
خاوه الجدم والمعبر
يمن طرواك.. خاوه
الجرح والخنجر
تعودتك
شهامه وخوف
ومكابر
وتعـّودتك
محــّبه وليل
ومسامر
وتعودتك ظهاري
وظل
وتعـّودتك ..
خليل وخل
حبيبه وكل حبيبه
اتبيع طاريها
و ِنــِــتْ
ما بِعِـتْ طاري
الراح والمجبل
يمنجل مايلف
الردي من االسنبل
يدنيه بلا كمر
تلتم كمر وتهل
يذل وجـــــــه
اليضدّك
ونته عيب اتذل
الأربعاء نوفمبر 07, 2007 2:28 am
