ادارة منتديات عراق المحبة ترحب بكم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ادارة منتديات عراق المحبة ترحب بكم


 
الرئيسيةأحدث الصورالتسجيلدخول

 

 عراقي يشارك في من سيربح المليون

اذهب الى الأسفل 
2 مشترك
كاتب الموضوعرسالة
مازن البغدادي
عضو ذهبي
عضو ذهبي
مازن البغدادي


عدد المساهمات : 354
تاريخ التسجيل : 30/10/2007
الموقع : العراق_بغداد

عراقي يشارك في من سيربح المليون Empty
مُساهمةموضوع: عراقي يشارك في من سيربح المليون   عراقي يشارك في من سيربح المليون Icon_minitimeالثلاثاء يناير 29, 2008 10:37 am

عراقي شارك بمن سيربح المليون تعالو شوفو شسوه بحالنه ..

هذا واحد من ( جماعتنا ) راح لبرنامج من سيربح المليون
طبعا تعرفون انه الاسئلة بالبداية كلش سهلة وعيب واحد يعلّس بيها
صاحبنا مشى باول سؤال بس فضحنا بالثاني
تعالو شوفو شسوّه بدنياته :
جورج قرداحي : السؤال التاني بميتين ريال هو :
عصفور باليد ولا عشرة على ................. ؟؟؟؟؟
الشجرة
البقرة
الصفراء
الحمراء
گله لجورج قرداحي : اهووووو بدينا بالصعبات
زين ناخذ رأي الجمهور
طبعا جورج انصدم المسكين !!!
فكان جواب الجمهمور 100% الجواب الأول ( الشجرة )
اخونا گله لجورج : تره مو على طول يصدگ الجمهور ،
فأفضـّل لو نحذف اجابتين اذا متصير زحمة
وتخيلو حالة المگرود جورج !!!!
حذفله إجابتين فبقه الجواب الأول الشجرة والجواب الثاني البقرة.
فگله لجورج : مستفادينا شي لأن بقن الجوابين اللي آني شاكك بيهن
( آني لو من جورج طلقة براسه واخلص البشرية منه )
فگال اخونا : ماكو غير الاتصال بصديق
اتصل بصديقي حمزة الچايچي
مثل متعرفون انه جورج يسأل عن وظيفة الصديق
گله جورج : شو بيشتغل صديئك حمزة الچايچي ؟
جاوبه : يبيع لبن

الحاصل .. خابروله الصديق و طلعله حمزة :
الو .. الو .. لك ليش متجاوبون .. ماعدكم خوات ماعدكم بنات
لا يا متستحون .. والله إلا اشتكي عليكم
جورج : طوّل بالك يزلمة شو بك نحنا من الأم بي سي
برنامج من سيشگ هدومه أأأ ئصدي من سيربح المليون
حمزة : هاها العفو .. بالخدمة آني يدلل فاهم ( فاهم اسم صاحبنا .. غير لايگله صلوات )
جورج : معكن تلاتين سانيه لمّا بيبدا الأخ فاهم بالكلام .. تفضل فاهم :
فاهم : ها خويه حمزة شلونك شكو ماكو ؟ گلي خو ماكو تفجيرات هاليوم ؟
سلملي على أمي وگلها مالگيت دشداشة كودري .. ميخالف كشمير ؟؟؟
طوط طوط .. خلصت التلاثين ثانية و مثل مشفتو .. كلشي مفتهم فاهم سوده عليّه
فسأله جورج قرداحي : وهلأ شو بدك تعمل ؟
فجاوب : والله يا استاذ جورج ما اگدر اجازف بصراحة
انسحب احسنلي وآخذ الـ 100 ريال مال سؤال الأول
خاف اجاوب ويطلع غلط وهالنوبة تروح الـ 100 همّات
وعلى گولت أبو المثل : عصفور في اليد ولا عشرة على الشجرة
( فاهم .. وما غلطت امه من سمته فاهم )
بالله عليكم فضحنا لو مفضحنا ؟؟؟
ها نسيت اگلكم .. جورج قرداحي أعلن اعتزاله بذيچ الحلقة الگشرة ( تره حقه يا جماعة)
__________________
تحيات اخوكم مازن البغدادي
الرجوع الى أعلى الصفحة اذهب الى الأسفل
akw
عضو ذهبي
عضو ذهبي
akw


عدد المساهمات : 257
تاريخ التسجيل : 12/11/2007
العمر : 44

عراقي يشارك في من سيربح المليون Empty
مُساهمةموضوع: رد: عراقي يشارك في من سيربح المليون   عراقي يشارك في من سيربح المليون Icon_minitimeالأربعاء مايو 07, 2008 8:41 pm

والله حقه وزياده
مو بس يعتزل لا
يشمر روحه من السطح
هههههههههههههه
الرجوع الى أعلى الصفحة اذهب الى الأسفل
 
عراقي يشارك في من سيربح المليون
الرجوع الى أعلى الصفحة 
صفحة 1 من اصل 1
 مواضيع مماثلة
-
» اذا انته عراقي

صلاحيات هذا المنتدى:لاتستطيع الرد على المواضيع في هذا المنتدى
ادارة منتديات عراق المحبة ترحب بكم :: منتدى :: منتدى النكت والتحشيش-
انتقل الى: